Reparación de canalizacións soterradas no Polígono PO.CO.MA.CO. (A Coruña)

Descrición dos traballos

Como resultado dunha deficiente execución inicial do prisma de 4 tubos de PVC de 110 mm de diámetro soterrado baixo o viario principal de acceso ao Polígono Industrial de PO.CO.MA.CO na Coruña, a compañía instaladora de fibra óptica é incapaz de pasar os cables polos tubos destinados para ese efecto. Ante esta problemática encárgaselle a Cimbra Contracts, S.L. o estudo e solución de tal imprevisto.

Despois dun laborioso traballo de campo consistente en sucesivos intentos de paso de guías entre todas as arquetas e todos os tubos que compoñen o prisma ata rexeitamento, chégase á conclusión de que o prisma se atopa esmagado en numerosos puntos ao longo de aproximadamente 1 km de lonxitude.

Unha vez localizadas as zonas críticas, procédese á execución de numerosas calicatas puntuais para reparación do prisma afectando o mínimo ao paquete de firme do viario. Ademais execútanse varias arquetas de rexistro intermedias novas para diminuír a interdistancia entre as mesmas.

Finalmente conséguese a reparación de todas as canalizacións, deixándose todos os tubos mandrilados e repoñéndose o pavimento asfáltico en todas as zonas de actuación.